Ål milò.

Ål mèrål.

Senza titolo 4

Iér dòpdišnà sùmå åndài åvånti å trådüv i påròl dål nòs diålåt chi cuménciån pår "M". Sùmå pårtì då "Måšlé" (macellaio, me béchè) e sùmå rivà å "Méšà" (mesata). Tra i tånti påròl gh'érå åncåsì "Ménå" (mina, emina), ål récipiént pår mšürà grån, målgå e i àltår céréàl. Ås limpìvå fénå å l'òrål, pö ås livélàvå pår vègh lå mšürå giüstå: 20 lìtår. Intlå futugråfìå ås vådå unå ménå cunsérvà intål bèl "Mušèo d'Art e Trådisión påišåna" d'Ulévån.

Vérsión in itåliån:

Ieri pomeriggio abbiamo proseguito nella traduzione delle parole

del nostro dialetto che iniziano per "M". Siamo partiti da "Måšlé" (macellaio, come béchè) e siamo arrivati a "Méšà" (mesata). Tra le tante parole c'era pure "Ménå" (mina, emina), il recipiente per misurare grano, granoturco e gli altri cereali. Si riempiva fino all'orlo, poi si livellava per avere la misura precisa: 20 litri. Nella fotografia si vede una mina conservata nel bel "Museo di Arte e Tradizione contadina" di Olevano.

R. M.

I mårubén

Tra i påròl ch'i cuménciån pår "M" ch'ùmå trådùt ültimåmént gh'érå åncåsì "mårubén", i pulpåt che unå vòltå (må åncùrå ådès...) ås fàvån spéciålmént dòp i fèst, pår cåtà sü i åvåns: un pò 'd cårån vånså, buiì ò rustì, trià bén e impåstà cun öv, pångråtà, furmàg gråtà; ùnå fréså d'ai, nuš muscà, sa e pévår sécónd i güst e i mårubén iérån (ièn...) prónt då cöš cun un pò d'òli... Må i nòs mårubén i gh'ån gnìntå å che våd cón ål "mårubino" crémunéš, un piàt fai d'ånlòt cul pén åd bråšà, pàstå 'd sålàm crémunéš, pångråtà e årbulént, còt e sårvì inti tri bröd: åd månš, gugnìn e gålénå...

Vérsión in itåliån:

Tra le parole che iniziano per "M" che abbiamo tradotto

ultimamente c'era anche "mårubén", le polpette che una volta (ma ancora adesso...) si facevano specialmente dopo le feste, per riciclare gli avanzi: un po' di carne rimasta, bollita o arrosto, ben tritata e impastata con uova, pangrattato, formaggio grattugiato; uno spicchio d'aglio, noce moscata, sale e pepe secondo i gusti e le polpette erano (sono...) pronte da cuocere con un po' d'olio...Ma le nostre polpette non hanno nulla a che vedere con il "marubino" cremonese, un piatto fatto di tortellini col ripieno di brasato, pasta di salame cremonese, pangrattato e prezzemolo, cotto e servito nei tre brodi: di manzo, maiale e gallina...

R. M.

Maggi in Biblioteca.

Méritå pròpi unå višitå lå bèlå Mustrå sü 'l nòs pitùr Paul Magi, in Sån Bårnårdén. Bibliutécå e Prò Lòco i ån vurü fa un cénsimént di òpår fai dål Magi nò åmmà då nüm e in Lümlénå, må åncåsì intål Måndrògn e prèså Nuàrå. I òpår ién stai tüti futugråfà e intål cåtàlugh dlå mustrå gh'è åncåsì dü impurtånt intérvént: ål prim l'è dål pitùr sånåšårén Pino Zånchìn e ål sécónd l'è d'unå éspèrtå, Fråncèscå Vérunéš, ch'l'à fai lå téši sü 'l Magi. Intål sit nò üficiàl åd Sånåšà ö mis i dü årtìcul e unå quai fòto, må å var lå pénå då våd lå Mustrå, ch' lå råstårà duèrtå fénå å dumìncå 6 mag.

Vérsión in itåliån:

Merita veramente una visita la bella Mostra sul nostro pittore

Paolo Maggi, in San Bernardino. Biblioteca e Pro Loco hanno voluto fare un censimento delle opere prodotte dal Maggi non solo da noi e in Lomellina, ma anche nell'alessandrino e presso Novara. Le opere sono state tutte fotografate e nel catalogo della mostra vi sono anche due importanti interventi: il primo è del pittore sannazzarese Pino Zanchin e il secondo è di una esperta, Francesca Veronese, che ha fatto la tesi sul Maggi. Sul sito non ufficiale di Sannazzaro ho pubblicato i due articoli e qualche foto, ma vale la pena di vedere la mostra, che resterà aperta fino a domenica 6 maggio.

R. M.

Lå fèstå dål låùr.

Lå Mustrå dål Magi.

Ståmåténå, å vünd'š e mèšå, intlå céšå åd Sån Bårnårdén ågh sårà l'inåugüråsión dlå Mustrå surå 'l pitùr Paul Magi. Nåsü å Sånåšà intål 1810 då Fråncèsco e Tiréšå Féràri, ål pitùr l'à låurà tårméntå tånt inti céš dlå lümlénå, ultrå å Sånåšà, Méd, Tóre Bérèti e in vari céš dål Cåšåléš e dål Nuåréš. S'å vurì såvén püsè surå 'l nòs Pitùr, åndè å våd culå pàginå chi.

Vérsión in itåliån:

Questa mattina, alle undici e trenta, presso la chiesa di San

Bernardino ci sarà l'inaugurazione della Mostra sul pittore Paolo Maggi.  Nato a Sannazzaro nel 1810 da Francesco e Teresa Ferrari, il pittore  fu attivissimo nelle chiese lomelline, oltre a Sannazzaro, Mede, Torre Beretti e in varie chiese del Casalese e del Novarese. Se volete saperne di più sul nostro Pittore, visitate questa pagina.

R. M.

Måschèrpå e måscårpón.

Insèmå i påròl ch'i cuménciån pår "M" ch'ùmå trådùt l'àltrér, gh'érå åncåsì "måschèrpå" (ricòtå) e "måscårpón", dü furmàg bén cunusü intlå šònå tra Påvìå e Lòd, må åncå då nüm (spéciålmént ål sécónd...). Må å prupòšit åd lå måschèrpå, m'è gnü in mént che åncå då nüm ås dìšå di vòlt cul mòd åd dì chi, tìpich dål Milånéš:
"Råstà me cul dlå måschèrpå", pår dì råstà tårméntå mal p'r un quaicòs. Pårchè ås dišå insì? Un gir in réd ed èco lå rispòstå. Diš che un gårsón, ch'ål duìvå purtà lå måschèrpå, pénå fàiå, å Milån pår véndlå ål mårcà, un pò p'r ål viàg, (då Lòd å Milån, 32 km), un pò pårchè ål fiö s'érå fårmà püsè d'unå vòltå å ciåciårà, quånd l'è rivå å Milån lå sò cèstå 'd vìmini l'érå cumplétåmént vöiå pårchè, cul cald, ål furmàg l'érå tüt šlinguà, culåndå šü tråvèrs i mai dlå céstå: figürùmås mich'l'è råstà stu fiö!...Pròpi "me cul dlå måschèrpå", åpùnto!...

Vérsión in itåliån:

Tra le parole che cominciano per "M" che abbiamo tradotto l'altro

 ieri, c'era anche "måschèrpå" e "måscårpón" (mascarpone), due formaggi  ben noti nella zona tra Pavia e Lodi, ma anche da noi (specialmente il secondo...). Ma a proposito della mascherpa, mi son ricordato che anche da noi si dice a volte questo modo di dire, tipico del Milanese:
"Rimanere come quello della mascherpa", per dire rimanere molto male per qualcosa. Perchè si dice così?  Un giro in rete ed ecco la risposta. Si racconta che un garzone incaricato di portare il formaggio, appena realizzato, a Milano per venderlo al mercato, vuoi per il viaggio (da Lodi a Milano, 32 Km), vuoi per il fatto che il ragazzo si era fermato più volte a chiacchierare… quando arrivò a Milano la sua cesta di vimini era completamente vuota perché, con il caldo, il formaggio si era completamente sciolto colando attraverso le maglie della cesta: figuriamoci come rimase il ragazzo!...Proprio "come quello della mascherpa", appunto!...

R. M.